viernes, 2 de diciembre de 2011

Diario da profe...outra vez!

O día de hoxe foi un pouco caótico. Non paramos nin un momento, nin os cativos nin eu, o que fixo que, unha vez máis, me decatase de que non entregara o diario ao seguinte redactor. Para non variar estou empezando a casa polo tellado unha vez máis.
A primeira hora marcamos a data. Dende onte Brais a marca no seu calendario á vez que o compañeiro que lle toca a marca noutro calendario. Despois baixamos á biblioteca a facer o empréstito semanal da aula. Ao chegar á aula cada un ensinou ao resto o libro que colleu e que espera disfrutar na casa. Houbo eleccións de todo tipo: información, comic, narrativa...
Rematamos coas primeiras presentacións en lingua galega, que consistían na memorización e recitado dunha poesía. Ademáis tivemos dúas presentacións voluntarias. Diego nos falou dunha das aventuras de Hércules, o heroe mitolóxico, e Sara de alimentación. Jose Rodriguez trouxera unhas monedas doutros países para ensinarnos pero o profe Guillermo estaba a piques de chegar, así que o deixamos para despois.
A terceira hora tocabanos plástica, así que empezamos co tema do nadal, iniciando unha postal pop-up e o calcetín de Papá Noel. Como andaban un pouco revolucionados quedaron cinco minutiños no recreo para recobrar a calma.
A cuarta hora tiñan inglés, pero unha vez máis quedaron comigo. Esperamos que a vindeira semana a profe Mariví xa esté con nosotros. Aproveitamos esa hora para facer CM no lugar de facelo á última hora. Miramos os videos de "Érase unha vez ..." (colgados no blog) referidos aos ósos e despois lles fixen unhas preguntas que deron pé a falar dos distintos tipos de fracturas. Canto saben estes rapaces! Jose Rodriguez falounos  da fractura "conminuta" que tivo o seu pai .
Xa na quinta hora retomamos a plástica, xa coa profe Alejandra e Brais na aula e deixamos a parte final para repasar o que sabemos da panxoliña e avanzar con outra estrofa. Non nos da tempo a signar todo o que gravamos na lección un, así que tivemos que reducir o número de signos. Como a panxoliña faise un pouco longa non faremos a terceira estrofa e pasaremos directamente á última.
Cando nos decatamos, apenas quedaban uns minutiños para marchar e aínda non lles entregara as tarefas para a finde...que serven para repasar para o próximo exame de CM. Esquecera por completo as monedas de Jose, así que lle pedín desculpas e acordamos que as volvera traer o luns.
E tocando o timbre e saíndo con cera presa pero sen chegar a correr (máis lles vale) rematou o venres dous de decembro.

jueves, 1 de diciembre de 2011

O PELO ROXIÑO: LECCIÓN 1

Xa queda pouco para o nadal e para quentar motores andamos a preparar a panxoliña que cantaremos con 3ºA no festival. Temos que empezar con tempo pois, ao igual que a canción do magosto, imos cantar e signar á vez e esta é unha canción máis longa.
Para facilitar a aprendizaxe da panxoliña e que poidan practicar na casa ou en calquer outro lugar con acceso a internet, estamos preparando unas video leccións para lembrar os signos.
A nosa experta en linguaxe de signos, a profe Alejandra decidiu que era mellor non signar todo e, ás veces, facer algunha pequena adaptación. Por exemplo, no lugar de signar "palla" facemos o signo de durmir, porque eso é o que fai o neno deitado na palla.
Na banda da esquerda, onde están as páxinas de recursos do blog, abrín unha nova co título Panxoliña. Aí estarán os enlaces á letra da canción, video dunha actuación para lembrar a melodía e as video-leccións que vaiamos gravando.
Sen máis, déixovos coa primeira lección.


miércoles, 30 de noviembre de 2011

Diario ...da profe

A profe "mutou" ao longo da mañá, e iso fixo que a súa memoria quedase afectada e esquecese entregar (outra vez!) o diario de aula ao seguinte da lista, así que a versión do día de hoxe, é a versión da profe.

"Que hai mellor que empezar o día cun exame de mates? Se cadra moitas cousas, pero como hoxe tocaba facelo, canto antes mellor, non? Así que os cativos da Reboraina fixeron o seu segundo control das táboas portándose con total correción durante o exame, pois saben moi ben cales son as normas. De seguido continuamos cos datos do tempo do mes de novembro, que hoxe chegou ao seu fin. A xefa de estudios veu a avisar de que non iamos ter inglés porque a profe Mariví faltaba e, entón, eu, a profe Lydia, mutei, e me transformei na profe Liriví para quedar con eles. Este "cambio de personalidade" provocou que lles puxera unha proba sorpresa sobre os alimentos relacionada co xogo educativo co que estiveron traballando onte en informática.

Mentres eles facían a proba, eu aproveitei para correxir os controis das táboas e poder darlles as notas a continuación. Nótase que estiveron practicando mooito na casa! Chegou o momento de marcar as tarefas para a casa e como había algo de rebumbio decidín restar cinco minutiños de recreo e engadir unha tarefa extra. Non me gusta tomar estas medidas, pero se hai que facelo, se fai.

A terceira hora tiñamos xa na clase a Brais máis á profe Alejandra. Entre todos estivemos dicindo palabras con "c" e "q", para lembrar cando se empregran. Aproveitamos esas palabras para repasar a separación en sílabas, a clasificación de palabras segundo o seu número de sílabas e a sílaba tónica. Despois chegou o momento de practicar un pouco a panxoliña que imos cantar no festival. O que se dice cantar non cantamos, máis ben repasamos os signos da primeira estrofa e do estribillo para facer unhas video-leccións que irei colgando no blog.

Chegou a hora do recreo e, coma todos os mércores, saímos escopetados! Os nenos e nenas da clase respectaron o seu  castigo e unha vez esgotado o tempo do mesmo puideron xogar con libertade. Á volta do recreo chegou o momento do ditado e das autocorrecións con opción a medalla. Houbo unhas cantas medallas, parece ser que empezamos a fixarnos máis nas cousas por fin.

Como non quere a cousa, chegou o momento no que o profe Guillermo apareceu para levalos ao pabellón "a mover un pouquiño o corpo". Que farían hoxe con el? Espero que mañá me conten todo, pois estou abraiada coa morea de xogos que coñecen gracias ao profe de Educación Física.

E isto foi o día de hoxe. Gustoume pasar unha hora máis co meu alumnado, ao igual que aconteceu o luns. Se cadra o que levo peor dos tres primeiros días da semana é non ter clase a última hora con eles para poderme despedir, cousa que si acontece os xoves e os venres. Pola contra, teñen todas as primeiras horas comigo, así que non se pode ter todo, non si?

NOTA: Xa correxín a proba sorpresa de CM e teño que dicir que estou bastante contenta cos resultados. Como digo sempre, non só facendo traballo na libreta é como se aprende, hai moitos outros xeitos e hai que aproveitalos todos.

martes, 29 de noviembre de 2011

Diario de...Jose

(proximamente)

Os recursos das páxinas do blog...e os problemas técnicos da "blogueira"

Nunca é tarde para aprender, non si? Ata o de agora cada vez que iamos a unha das páxinas do blog para usar algún dos recursos, estes non se abrían nunha nova ventá, o que supuña dar varias voltas para voltar á páxina principal do blog.  Agora xa sei o modo de que os recursos se abran nunha ventá aparte que só hai que pechar cando se remate de xogar para voltar ao blog, e estou solucionando ese problema. De momento empecei cos recursos de galego e castelán, logo seguirán os de C.M e por último os de matemáticas.

Esta medida facilitará o uso do blog, pero tede algo de paciencia. Se estes días tiña problemas co meu pc, agora é a liña de internet da miña casa a que me anda a dificultar a tarefa de actualizar o blog. Espero que se solucionen "os meus problemas tecnolóxicos" ao longo da semana para retomar o ritmo do blog.

domingo, 27 de noviembre de 2011

Os alimentos

O luns cinco de decembro imos ter unha  charla sobre os "Alimentos de tempada". Para prepararnos para a ocasión imos facer unha parada no estudio do aparato locomotor para adicarnos ao coñecemento dos alimentos e do proceso da súa dixestión. Empezamos a quentar os motores cunha web sobre alimentos da que aprenderemos moitas cousas. Só tedes que premer na imaxe e, tamén poderedes acceder na páxina de recursos de "Somos iguais, somos diferentes". É o recurso número 21, tamé o 22 e o 23 teñen que ver co tema. A que estades esperando para aprender xogando?

jueves, 24 de noviembre de 2011

miércoles, 23 de noviembre de 2011

Problemas coas tics

Sei que ultimamente estou tardando en subir os diarios do alumnado, videos, etc. Resúltame imposible levar o mantemento  do blog no colexio e o fago dende o meu propio ordenador e na casa. Pero teño problemas con el e ata que o arranxen as cousas van ir un pouco máis lentas do habitual. Espero que en breve poda volver a publicar ao ritmo habitual.

Diario de...Diego

(proximamente)

lunes, 21 de noviembre de 2011

viernes, 18 de noviembre de 2011

jueves, 17 de noviembre de 2011

Charlot

Hoxe Diego fixo para todos unha imitación da forma de andar de Charlot e case ningún cativo da Reboraina sabía quen era. El explicou moi ben que era unha persoaxe cómica do cine mudo de fai moito tempo. Navegando pola rede atopei esta famosa escena na que aparece "comendo un zapato".
A disfrutar con ela!

Diario de...Julen

(proximamente)

miércoles, 16 de noviembre de 2011

A nosa canción do magosto en video

Despois de preparar durante unha semana a canción do magosto cos signos os cativos da Reboraina actuaron para o alumnado de infantil primeiro e o día do magosto, xunto co alumnado de 3º A e a profe Luisa, para o resto do cole. Este é o video da primeira actuación, que a titora dos Sínefos, a profe Patri, colgou no blog de infantil. Saiu moi ben, verdade?

Diario de...Irea

(proximamente)

martes, 15 de noviembre de 2011

Diario de...Marta

Quenda de Marta. Cando me entregou o diario adiantoume que escribira catro follas. É hora de comprobar o contido das mesmas:
"Hoy a primera hora hicimos unas presentaciones de los oficios de nuestros padres y madres. Después seguimos trabajando en lingua galega a segunda hora. A tercera hora fuimos al aula de informática y me tocó sentarme con Brais. Jugamos con los juegos que tenemos en nuestro blog, llamado: oscativosdareboraina.blogspot.com. En un lateral tenemos juegosy la profe nos dijo que fuéramos a la pagina de mates e hiciéramos el juego de los euros.
Por fin llegó el recreo, pero como en el aula de informática estuvimos un poco alborotados la profe nos castigó con cinco minutos menos de recreo. Después salimos al patio y jugamos con un huerto que es de mentira pero hacemos que es de verdad.
Luego sonó el timbre y nos fuimos a clase. Vino la profe Martina a darnos Coñecemento en inglés e hicimos una ficha de los músculos las articulaciones y los huesos. Después vino la profe Mariví. Ella nos decía una palabra y nosotros la repetíamos. Sonó el timbre para irnos para casa y yo fui al comedor. Me lo pasé muy bien".

Mi madriña! Esta Marta non esqueceu nadiña! Simplemente engadir que hoxe foi a quenda das presentacións de Alba, Sara e a propia Marta e que o fixeron estupendamente. Velaí vai o seu trofeo:

lunes, 14 de noviembre de 2011

Diario de...Daniel

Como xa sabedes a semana pasada saltamos un pouco a orde de lista, pero espero que a retomemos a partir de hoxe.
Quenda de Daniel. Estas foron as súas palabras:
"Hoxe a primeira hora fixemos as presentacións dos oficios dos pais e das nais. Despois fixemos unha ficha do corpo humano. En música tocamos as piñas. Logo non puiden ir ao recreo porque estiven buscando partes do corpo. En mate correximos os erros do exame. En reli copiamos na libreta o exercicio 1 da páxina 35 e por último fixemos unha lectura. Logo soou o timbre".

Daniel mellorou moito pero aínda lle quedaron algunhas cousiñas por dicir e outras por explicar mellor. Se cadra na próxima volta xa consigue o trofeo do diario.
Antes de sentar o primeiro que fixemos foi cambiar de sitio. É a segunda vez que cambiamos e haberá moitas máis ao longo do curso. Hai que cambiar de compañeiros/as, de lugar na clase...
Despois, tal e como dixo Daniel,  comezamos coas primeiras presentacións en lingua castelá, nesta ocasión falando dos oficios dos pais e das nais. Hoxe foi o turno de Diego, Irea e Lucía. A pesar de ser os primeiros e de estar nerviosos o fixeron estupendamente, ainda que o farán todavía moito mellor cando remate o curso. Grabarei todas as presentacións en video e ao final de curso levarán para casa un video con todas elas.
Pero eso non foi o único que fixemos en lingua castelá. Ademáis de varias actividades orais que fixemos entre todos, tamén estivemos traballando na libreta.
A terceira hora, en Coñecemento do Medio, fixemos unha proba para positivo, de cara a prepararnos para o exame do vindeiro luns. Só Alba conseguiu o positivo, aínda que outros andiveron moi cerca. Ademáis, estivemos cubrindo o noso historial de enfermidades do curso, pois xa levamos de todo un pouco: gastrointerites, fracturas...Falamos da diferencia entre enfermidade e lesión, dos síntomas, do tratamento, da duración, etc.
En matemáticas, efectivamente, correximos o exame da semana pasada, máis fixemos unha ficha sobre os euros.
A verdade é que foi un día completiño para ser o primeiro da semana. A ver que pasa cos que veñen a continuación.

sábado, 12 de noviembre de 2011

As nosas primeiras produccións, en video

Xa podemos disfrutar  físicamente, dende hai días, do resultado dos traballos realizados durante a semana na que celebramos o Samaín. Pero agora é o momento de que disfruten os demais. Velaí van uns videos cos nosos traballos:

viernes, 11 de noviembre de 2011

Usa o coco

Navegando, navegando...atopei un recurso moi interesante para facer funcionar o noso cerebro coas mates, coa lingua... Trátase da web "Usa el coco". Terá un enlace permanente na banda da esquerda, pero hoxe, como presentación da web podedes acceder, tamén, premendo na imaxe.

Diario de ...Brais

Si, ledes ben. Hoxe Brais se estrea como reporteiro do diario de aula. Á súa maneira vai contar o que pasou ao longo da mañá.
Diario de...Brais
Noraboa Brais, estamos esperando a túa próxima reportaxe!

Os cativos da Reboraina se presentan

Despois de moitos ensaios e de gravacións infructuosas xa podemos dicir que por fin temos o video das presentacións en bimodal para que os outros coles de Agrupacións escolares nos coñezan. Un erro de novata me levou a editar o video e subilo á nosa canle de youtube cun pequeno cartel durante a presentación de Daniel que non fun quen de correxir. Espero que a vindeira vez non se repita o problema.
A pesar de que levamos facendo prácticas de silencio para gravar audio e video dende o principio de curso, os cativos non están afeitos a estas cousas e o traballo levou moito máis do tempo esperado. Hai que lembrar que a práctica de silencio para gravar implica non falar e non facer ningún tipo de ruido durante a gravación. No video se escoita perfectamente tanto as voces dos que se presentan como os ruidos de fondo que prometeron non facer. Espero que unha vez comproben que "eses ruidos" quedan gravados, nas vindeiras gravacións o silencio sexa absoluto.
Agora, é o momento de ver as nosas presentacións:

jueves, 10 de noviembre de 2011

Diario ...da profe

Que cousas, andaba recollendo as miñas pertenzas para marchar a casa e vexo o diario da aula. Con tantas cousas na cabeza co magosto xa por chegar esquecín entregarllo a Daniel. Quedará para o luns, porque de contar a actividade de mañá vaise ocupar Brais.
Así que este é o diario da profe:
"Hoxe a primeira hora fixemos o control de mate. Da gusto ver como os rapaces e rapazas empezan a enteder que é un traballo individual e que a profe pode responder a dúbidas, pero non dar as respostas ao exame. Aqueles que ían rematando collían un libro sobre o corpo humano mentres os seus compañeiros remataban.
Unha vez rematado o exame chegou o momento de poñer a data e mirar o tempo no blog. Hoxe foi o turno de Daniel, que o fixo estupendamente. Antes de continuar coas mates (os xoves temos dúas horas seguidas), recollín as investigacións que xa trouxeron algúns dos cativos. Tiñamos ata o luns, pero había quen tiña presa por facer o traballo. Así me gusta!
Unha vez recollidos os traballos chegou o momento de empezar o tema 3 de mate, sobre a nosa moeda: o euro. Recordamos as distintas moedas que hai e o seu valor e organizamos os petos individuais do curso pasado de forma comunitaria, pois temos máis moedas e cartos este curso. Despois de agrupar as distintas moedas e billetes chegou o momento de representar o valor dos euros de forma gráfica, pegando esas moedas de cartón na libreta. Teremos que rematar a tarefa outro día.
A terceira hora mentres os rapaces traballaban coa profe Martina eu estiven debuxando e recortando unha castaña xigante que Brais e Marta estiveron pintando a cuarta hora. Durante o recreo estiven falando coa profe Alejandra para coordinar a actividade de mañá. Ao rematar o recreo tivemos a lectura silenciosa, que foi pouco "silenciosa" porque Brais andaba algo inquedo...co que traballara a primeira hora mentres os demais facían o exame!
Tiñamos por diante duas horas de galego nas que facer de todo un pouco. Empezamos dando as notas de C. M. e comprobando entre todos as respostas do exame. Logo chegou o momento de escribir nunhas tiras e con letra grande a canción do magosto. Mañá en plástica pegaremos esas tiras coa letra da canción na castaña xigante e debaixo de cada verso Brais pegará os signos correspondentes.
Despois lin para todos un pequeno libro que me recomendou a profe Amparo, como responsable da biblioteca do cole: "A castaña que chegou a árbore". Que coincidencia, pois cando falabamos da castaña e do seu proceso ata converterse en árbore atopamos semellanzas coas etapas da vida que acabamos de estudiar. Durante o comezo do relato tivemos de reporteira gráfica a Lucía, que ben o fixo!
Antes de que voltase Brais á clase anotamos na axenda as tarefas para a casa. Chegarán eses folletos de publicidade mañá? Non pasa nada, se non chegan mañá, pois probablemente co magosto non podamos empezar o mural. Pero se chove e se suspende é unha magoa non adiantar traballo, verdade? A ver que pasa.
Coa volta de Brais chegou o momento de ensaiar de novo a nosa canción e de recordar outras cancións en galego. Se ben os cativos da Reboraina falan pouco galego, o de cantar en galego dáselles moi ben. Despois chegou o momento de expresarnos plásticamente baixo o título "A castaña máis bonita de Reboreda". Pronto poderedes ver o resultado no blog. Algúns remataron a tarefa e outros terán que facelo mañá, pois houbo que recoller porque era a hora de marchar.
Se mañá non chove celebraremos o magosto despois do recreo. Crucemos os dedos!

miércoles, 9 de noviembre de 2011

Diario de...Jose

Por fin, despois de tanto salto, chegou a quenda do primeiro da lista. Estas son as palabras de Jose:
"Hoy a primera hora vimos el horario del día. Después teníamos inglés pero no vino la profe y entonces hicimos el juego del esqueleto. Luego grabamos unas presentaciones en lenguaje de signos. En el recreo fuimos al pabellón para ver como jugaban al balonmano.
Después le cantamos a los parvulitos la canción del magosto. Luego hicimos lengua y tuvimos que responder a las preguntas de la lectura. Solo llegamos hasta la dos porque tocaba gimnasia. En la clase hicimos la carrera numerada. Y se acabó  el día".

Jose vai mellorando na redacción do diario, aínda que segue esquecendo bastantes cousiñas. Seguro que cada vez lle vai saindo mellor. Efectivamente miramos o horario do día e preparámonos para o control de C. M. mentres Daniel volvía da clase do profe Amando. Despois do exame din as notas de galego e puxen as multas aos infractores. Para introducir o estudio de músculos e ósos xogamos a un bingo do corpo e Jose foi o meu axudante. Coas partes do corpo nas que tiñamos dúbidas durante o xogo plantexamos unha tarefa para a casa con data límite de entrega para o próximo luns: búsqueda de información (que é, onde está, para que serve...).
Tal e como dixo Jose, a profe Mariví non veu así que quedei con eles e seguimos xogando un pouco máis. Logo fun a polo carriño e miramos algo dos novos recursos colgados no noso blog.
A terceira hora fixemos un repaso do traballado en lingua ata o momento: maiúsculas, sílaba tónica, clasificación das palabras segundo o número de sílabas e os sinónimos. Logo explicamos que son os antónimos e recordamos que son os signos de exclamación e interrogación e cando se usan. Despois ensaiamos un pouco coa profe Alejandra, porque despois do recreo iamos dar un concerto para o alumnado de infantil (que foi todo un éxito), e rematamos, ¡por fin!, de gravar as presentación con lingua de signos. Á volta da actuación fixemos algúns exercicios na libreta  ata que chegou a hora de ximnasia.
Dende logo, foi un día ben completiño...

martes, 8 de noviembre de 2011

Diario de...Marey

Tocáballe a Jose, pero como foi ao médico e non estivo toda a mañá levou o diario Marey e mañá o levará el.
Velaí vai o día segundo Marey:
"Hoxe a primeira hora estivemos a practicar a canción "Non chas quero". Despois a terceira estivemos falando das posibles preguntas do exame de mañá. Logo fomos ao patio e estivemos xogando á pita. Logo fun á biblioteca ata que a profe Amparo nos mandou ao patio para subir cos demais. A cuarta tivemos coñe en inglés. Estivemos traballando co libro e logo vimos un video de como se arranxan os ósos. A quinta hora tivemos inglés e fomos á clase de informática. A min me tocou de compañeira a Marta.
Esquecía dicir que foi o aniversario da profe Alejandra e que lle cantamos o cumpreanos feliz".

Mi madriña! Marey ten que tomar unhas vitaminas para a memoria. Contou a mitade do que fixemos, pero que pasa co resto? Non fixemos o control de galego?Non din as notas de L. C? Non anotamos as primeiras multas nos carnés otrográficos? Non seguimos a traballar no caderno de mate? Non disfrutamos do bizcoito da profe Alejandra ademáis de cantarlle a canción?Non presentei máis libros do corpo para ter na aula? Non leu Alba parte do seu libro que tiña que ver co título do noso proxecto Somos iguais, somos diferentes? ...
Hai que traballar máis esa memoria. Espero que na próxima quenda non esquezas comentar nada.

lunes, 7 de noviembre de 2011

Plan ortográfico do curso

Tal e como avanzamos a semana pasada, hoxe os cativos da Reboraina estrearon os seus carnés ortográficos. Xa postos na materia tamén estreamos o radar ortográfico permanente e a placa da P. O. R (Policía Ortográfica de Reboreda) para o profe, que non ía ser menos, non? A xefa da P. O. R. espera non ter que estrear a zona dos carnés onde se rexistrarán as infraccións cometidas, a ver se é posible.

O diario de...Alba

Si, ledes ben. Xa sei que saltamos a Jose e a Marey, pero hai unha explicación. Esquecín darlle o diario a Jose antes de que marchara. A seguinte posibilidade era Marey, pero os de relixión xa baixaran cando me decatei do diario. así que o levou Alba adiantándose no seu turno.

Estas son as súas palabras:
"Hoxe a primeira hora estivemos falando coa profe Lydia. A segunda hora tivemos música coa profe Isabel e estivemos practicando as cancións do magosto, a canción do neno caníval e a de Mono Liso. Despois fomos a clase e nos puxemos a facer o exame de lingua castelá. Logo tocou a serea e Irea, Jose R. Marta e Jose S. fomos a ver os partidos de balonmano. Cando acabou o recreo volvimos á clase e estivemos practicando unha canción titulada "Non chas quero" coa profe Lydia e a profe Alejandra.
Logo veu a profe Loli, de relixión, e Diego, Irea máis eu fomos coa profe Lydia a facer alternativa. Alí fixemos o libro das "Etapas da vida". Despois tocou a serea e como Jose S non estaba e Marey xa se fora tocoume a min levar o diario da nosa clase "Os cativos da Reboraina".

O diario está bastante ben pero Alba esqueceu dous acontecementos importantes do día: estreamos os cadernos de matemáticas a primeira hora e tamén o radar e os carnés ortográficos. Ata a profe estreou a súa placa da P. O. R. (Policía Ortográfica de Reboreda). A partir de hoxe a profe ten licencia para multar, xa sabedes o que hai que facer: conducir correctamente pola rúa da lectoescritura.

domingo, 6 de noviembre de 2011

Tempo de magosto

Se a climatoloxía acompaña celebraremos o magosto no cole polo San Martiño. Para quentar motores faremos na aula actividades relacionadas co tema. No blog da biblioteca colgáronse recursos sobre o tema. Nós empregaremos algún na aula e os que queran ver que tal están os demáis recursos poden facelo na casa ou en calquer lugar con acceso a internet. Tedes dúas opcións: entrar no blog da biblio e buscar os recursos ou premer na imaxe que aparece a continuación. A disfrutar do magosto!

viernes, 4 de noviembre de 2011

Diario de ...Jose Rodriguez

Jose tiña medo de esquecer o que pasar ao longo da mañá e non ser quen de escribir o diario. Imos ler o que escribiu, a ver se tiña motivos para ter medo. Estas son as súas palabras:
"A primeira hora fomos á biblioteca a coller un libro. Eu collín un de Mortadelo e Filemón. Despois fomos para a clase.
A segunda hora tivemos ximnasia e xogamos á pita cacerola. Xógase con seis persoas como moito. Unha desas persoas ten que perseguir ás outras. A persoa que escapa ten que dicir "cacerola" cando están a punto de pillala e porse coas pernas abertas sen moverse, parq que o outro xogador pase por debaixo dela.
A terceira tivemos plástica e a nosa mestra Lydia deunos uns debuxos pequenos para colorear. Despois celebramos o cumpreanos do meu amigo Marcos. Tróuxonos un bizcoito.

Tocou a serea e saímos ao patio. Eu xoguei ao fútbol. Despois tivemos lectura silenciosa, e tamén estivo a profe Marivi lendo con nós. Eu estiven lendo o meu libro de Xerónimo Stilton.
A cuarta hora tivemos inglés. Abrimos o libro na páxina sete. Alí había un debuxo e tivemos que contar as cousas que había.
A última hora estivemos gravando as presentacións en linguaxe de signos que estivemos practicando.

Caramba Jose, para ter tanto medo a esquecer as cousas fixéchelo moi ben. O único que olvidaches comentar foi a pequena proba para ver se lembrabamos o nome dos meses do ano en galego e castelán.
Saindo tan ben o diario, penso que mereces un premio. Noraboa!

jueves, 3 de noviembre de 2011

Novos recursos no blog

Polo  festivo perdemos a quenda para ir á aula de informática (tócanos cada quince días), así que o próximo martes non poderemos ir, pero traballaremos cos recursos do blog na clase, gracias ao carriño audiovisual.
Falando do blog... aviso que nas nosas páxinas con recursos para as distintas áreas (na marxe da esquerda, arriba de todo) hai agora unha sección para recursos para lingua galega. Nas catro páxinas hai novos recursos colgados: podedes repasar os temas de lingua castelá e mate, podedes ver e xogar con novos recursos sobre o corpo humano e podedes repasar lingua galega e poñer a proba os vosos coñecementos sobre o outono e o magosto. A que estades esperando?

Diario de...Lucía

Polo cambio de sitios saltei sin querer a Jose Rodriguez e entregueille o diario a Lucía; mañá será a quenda de Jose.
Estas son as reflexións de Lucía sobre a xornada desta mañá:
"Esta mañá a primeira hora fixemos unhas fichas de matemáticas porque tiñamos dúas horas seguidas. Despois veu a profe Martina e repasamos as articulacións en inglés. Logo baixamos ao patio. Cando voltamos era hora de galego. Iamos facer uns traballos no libro pero nos entretivemos falando. Cando rematamos de falar xa acabara a hora. Veu a profe Luisa e tivemos Coñecemento do medio, onde fixemos unhas fichas".

A ver, a ver...Lucía empezou moi ben pero despois do recreo o cansancio debeu influir na súa memoria. Ao mellor leva o trofeo na próxima quenda. É certo que non nos deu tempo a traballar co libro de galego porque o que falamos durou máis do pensado. Non nos entretivemos falando de calquera cousa, senón de algo moi importante: AS NORMAS ORTOGRÁFICAS. Pregunteilles cal era a velocidade máxima na autopista, se os conductores a sabían e que pasaba cando non respectaban as normas. Todos entendían que non chega con saber as normas, que ademais hai que seguilas. Entón chegou o momento de falar da ortografía e de repasar o uso das maiúsculas. Xa que saben a norma entenderon que se non a aplican eu podo multarlles, coma aos conductores. Seguindo coa comparación, pediron que lles fixese uns carnés (tereinos listos para o luns), establecemos as normas de uso e acordamos que aqueles que teñan o seu carné libre de multas ao final do trimestre levarán un pequeno agasallo. A ver se tráfico toma nota e fai o mesmo cos bos conductores...
Continuamos o traballo de galego (e non de coñecemento do medio) coa chegada da profe Luisa. Había que traballar cunhas fichiñas de repaso que explicara previamente.

miércoles, 2 de noviembre de 2011

Diario de...Pablo

O día de hoxe según Pablo:
"Hoxe a primeira hora traballamos na libreta de coñecemento do medio. Despois veu a profe de inglés e logo volveu a profe Lydia e fixemos un pouquiño de lengua. Logo collimos a merenda e fomos ao patio. Xoguei á pita cos meus compañeiros. Despois veu o profe Guillermo e xogamos aos indios e a botar o balón. Volvimos á clase para recoller as nosas cousas e marchamos para casa."

Aínda que imos mellorando Pablo ten que traballar máis coa súa memoria pois hai moitas cousas que esqueceu. En coñecemento do medio, rematamos as etapas da vida e anotamos os datos meteorolóxicos de outubro para poder facer a representación gráfica a vindeira semana. Tivemos dúas horas de lingua castelá, así que non fixemos un pouquiño, senón moito. Adicámoslle cinco minutiños ao repaso da resta levando e despois presentamos o resultado dos traballos do Samaín. Fixemos fichas de repaso do tema dous e gravamos varias presentacións con signos coa axuda da profe Alejandra. Despois do recreo continuamos o repaso, pero esta vez cos recursos colgados no nosos blog.

viernes, 28 de octubre de 2011

Os zombies da Reboraina atacan á profe Lydia

Sen comentarios...Mirade o video.

Conxuro quitamedos

Correuse a voz da conxuro quitamedos que fixeron os cativos da Reboraina na biblio a primeira hora, así que cambiando un par de palabriñas converteuse nun conxuro quitamedos para todo o cole. A "Bruxa Ly, a que nunca ri" deixoulle as súas vestimentas ao director Javier para que el puidese levar a cabo o co axuda de todos os nenos e nenas do cole, un conxuro para todos. Posteriormente a bruxa Amparo facilitou un caldeiro de barro para proceder á queima dos nosos medos. Podedes recordar o proceso mirando este video.

Diario de...Sara

Este foi o resumo que fixo Sara da actividade do venres:
"Hoy llegamos a clase y nos fuimos para la biblioteca. La profe Lydia se disfrazó de bruja. Su nombre era "a bruxa Ly, a que nunca ri". Vimos las fotos del libro del fantasma y del libro de nuestros miedos que hicimos durante la semana. Después subimos a coger el neceser para ir al pabellón. Allí jugamos a pita cadena, a olimpiadas individuales y a olimpiadas de relevos. Luego el profe Guillermo nos mandó para clase. La profe Lydia cambió la hora de plástica para última y aprovechamos para repasar las restas llevando y para terminar las etapas de la vida en la libreta. sonó el timbre y fuimos a jugar al recreo, donde hicimos un pequeño jardín.
Después hubo lectura silenciosa y más tarde fuimos a quemar nuestros miedos, aunque sobró un poco de tiempo para hacer algo de inglés. Luego nos tocó plástica. En esta hora hicimos la marcha de los muertos, vimos un video de "La casa encantada" y vimos un libro. Me gustó el día."

A verdade é que o diario de Sara foi moi completo. Aínda que hai que engadir algúns pequenos detalles...Mereces este premio, noraboa!

 A profe disfrazouse de bruxa para facer o conxuro quitamedos despois de lograr  poderes máxicos grazas á cabaza de Marta e á concentración de todos os cativos da Reboraina. Debía haber espías na biblio porque o noso conxuro gustou tanto que lle cambiaron algunhas palabras e se convertiu no conxuro quitamedos do cole, que o director recitou despois da lectura silenciosa antes de proceder á queima de medos. A última hora Sara di que miramos un libro...e o certo é que foi así, pois proxectamos as imaxes do libro A nosa amiga a oscuridade. O que esqueceu dicir Sara é que decidiu compartir a súa cabaza chea de doces con nós...e que ricos estaban! Graciñas pola túa xenerosidade.
Colguei algunhas fotos do día no noso album picasa, pero tedes aquí tamén o enlace directo. Só tedes que premer na imaxe.

jueves, 27 de octubre de 2011

Avance: As nosas primeiras produccións e unha sesión de medo...na biblio

A profe Lydia leva uns días de atraso na publicación dos diarios. Non é que se esquecera do blog, senón que está rematando o resultado final dos proxectos nos que estivemos a traballar esta semana: "Os nosos medos" e "Hay un fantasma debajo del colchón". Son as nosas primeiras produccións e para levalas a cabo contamos coa colaboración da profe Alejandra. Graciñas por todo compañeira!
Ademáis, mañá temos, por fin, a posibilidade de facer uso da nosa sesión semanal na biblio. E inauguramos co tema do Samaín. Teño preparadas unha chea de sorpresas, que leva o seu tempo preparar, que espero sexan do agrado dos cativos, pois esa é a intención.
Aproveitarei estes días sin clase para poñer ao día o blog e para colgar eses traballos e reportaxes fotográficos do que acontecerá mañá.

Diario de...Marcos

Irea deixou onte o listón moi alto...Estas foron as palabras que escribiu Marcos:
"Hoxe a primeira hora estivemos falando do Samaín e despois repasamos as restas con levadas. Logo viu a profe Martina e fixemos Coñecemento do Medio en inglés. Despois fixemos unha ficha de mate e outra de lengua. Antes de facer as fichas saimos ao patio cuberto e xogamos á momia.
Despois miramos no noso correo a carta do profe Kico e tamen lemos o diario de Julen. Logo entramos no blog do cole Rosalía de Castro e vimos un video dunha receita asquerosa de Samaín. Despois vimos un video de cousas que hai no Samaín: fantasmas, bruxas, etc
Logo puxemos as cazadoras e xogamos ás estatuas. Tocou o timbre e marchamos pitando. Este foi o meu día no cole, moi entretido."

O diario de Marcos foi máis resumidiño co de Irea pero tocou bastantes puntos, aínda que ten que ordear un pouquiño máis as ideas cando escribe e dar máis detalles. A ver se a próxima vez levas o trofeo polo traballo realizado, pouco che faltou nesta ocasión. Por que nos enviou o profe kico un correo? En resposta ao noso dándolle as grazas e porque mirou as nosas fotos no blog mirando os traballos que se fixeron o curso pasado no seu centro. Se el anda a mirar o noso blog, nós andamos a  mirar o da biblio do seu cole "O blog de Donte". Dende el accedemos a outro blog que recomendaban "Nutritiva y repugnante" relacionado con receitas de cociña un tanto particulares. Esperamos telo dentro de moi pouquiño na nosa biblio, para sacarlle partido nas nosas cociñas, non si?

miércoles, 26 de octubre de 2011

Diario de ...Irea

Sinto o retraso en subir as palabras de Irea. Pero máis vale tarde...:
"Hoxe a primeira hora tivemos Coñecemento do Medio. Na libreta estudiamos as etapas da vida.
A segunda hora, en inglés, buscamos nun poster do Samaín os nomes en inglés das momias, fantasmas, cabazas, etc
A terceira hora traballamos unha lectura de lengua mentres a profe nos ía chamando para facer "unha cousa". Logo tocou o timbre para sair ao patio e xogamos á pita altura máis á momia. Á momia xógase tapándolle os ollos a unha persoa que, cos brazos estirados para non chocar, ten que pillar aos demais.
Despois do recreo fixemos outra ficha de lengua e anotamos os deberes na axenda para mañá.
A última hora fixemos ximnasia. Xogamos ao comecocos. É un xogo no que un ten que pillar aos demais pero ten que ir a catro patas e para pillar só pode levantar unha pata. Tamén xogamos á bruxa do ollo virollo. Xógase poñéndose todos en círculo cos ollos pechados e ao que lle den na cabeza queda de bruxa e ten que guiñarlle o ollo aos demais para que vaian caendo ao chan.
Por último xogamos á banda. Un sae fóra e os demais escollen un director. Cando entra o que saiu todos teñen que facer o que fai o director e a persoa que saiu fóra ten que adiviñar quen dirixe".

Noraboa Irea, este é un diario de primeira! Non quedou nada por comentar, se cadra aclarar que esa "cousa" que vos mandaba facer a profe de un en un era rematar algúns detalles dos traballos que fixemos polo Samaín. Encántame comprobar que lendo o diario podo ver que recordas todo o que se fixo durante a mañá tanto comigo como con outros profes. Eses xogos que tan ben explicas teñen moi boa pinta. Segue así, este premio é para ti!

martes, 25 de octubre de 2011

Diario de...Diego

O 25 de outubro dende o punto de vista de Diego:
"Hoxe a primeira hora fixemos un control de lingua. Era unha folla polas dúas caras. Logo recortamos o pergamino do fantasma e algúns remataron de pintar o debuxo. Despois fixemos unhas fichas de lingua que tamén eran por diante e por detrás. Logo pegamos o traballo do fantasma nunha folla con forma de fantasma e fomos ao recreo.
Eu fun á biblioteca, fixen papiroflexia e logo fun un pouquiño ao patio e xoguei á pita. Logo tivemos Coñecemento do medio en inglés e fixemos unha ficha dos sentidos e vimos un video duns esqueletos.
Despois a profe de inglés trouxo un poster do Samaín e xogamos a adiviñar a personaxe coas pistas que ela dicía. Logo marchamos para as nosas casas".

Felicitacións Diego, un diario completísimo. Comentaches un pouco de todo, tamén das materias que non imparte a titora, que sempre se está a preguntar que sucede cando non está cos seus cativos. Só matizar para aqueles que se pregunten polo pergamino e os fantasmas dos que fala Diego. Co motivo do Samaín esta semana imos levar a cabo dous proxectos, un en lingua castelá e outro en lingua galega. O de lingua castelá titúlase "Hay un fantasma debajo del colchón", pois ese é o título do poema do que partimos para facer o traballo. Traballamos a rima na clase e inventamos dez estrofas máis para ter unha para cada neno/a. Cada un escribiu a súa nun pergamino azul e fixo o debuxo correspondente. Logo ese material o pegamos, tal e como dixo Diego, nas follas do libro que imos facer, que teñen forma de fantasma.

E, non olvidemos o agasallo para o redactor, segue así!

lunes, 24 de octubre de 2011

Diario de...Marta

É a quenda de Marta. Estas son as súas palabras:
"Hoy a primera hora estuvimos repasando las sílabas en clase de lengua. A segunda hora tuvimos música y la profe Isabel nos enseñó una canción. Después fuimos para clase de matemáticas y repasamos las sumas llevando. Por fin llegó el recreo y pude disfrutar jugando con mis compañeros. Al volver a clase hicimos grupos en "Coñecemento" para escribir las etapas de la vida. Y por último tuvimos religión. En esta clase estuvimos leyendo una historieta".

Nesta segunda rolda do diario nótase moita melloría tanto na memoria como na forma de expresarse dos rapaces. Penso que a Marta non lle quedou nadiña por dicir. Respecto ao traballo en Coñecemento do medio, teño que engadir que as tarefas por equipos están resultando máis difíciles do esperado, o que está retrasando o avance na materia. Pero a única maneira de aprender é facendo, non si? Pouco a pouco iremos mellorando.
Felicitacións!

viernes, 21 de octubre de 2011

Diario de...Daniel

Hoxe se estrea Daniel no diario da aula, narrando a actividade do último día da semana:
"Hoxe fixemos un control de lengua e despois fixemos un debuxo para un compañeiro enfermo. En educación física xogamos á pita, a polis e cacos e logo ao brilé. Despois tivemos o recreo e a lectura silenciosa. Logo tivemos o mercadillo solidario e ao final recordamos na clase os signos".

Efectivamente, tal e como comenta Dani, despois do control de lengua preparamos un agasallo para Jose Rodriguez: un debuxo adicado de cada neno e nena da clase. Esto sucedeu despois de que os cativos regresaran da clase co profe Guillermo. Agora entendo por que estaban tan cansos e revolucionados.
Por fin chegou o gran día: a celebración do mercadillo solidario. Ao final ás aulas que forman parte de Agrupaciones escolares uníronse as titorías de 5º A e 6º A e B. Graciñas pola vosa colaboración.
Na nosa clase fixemos un sorteo para ver as quendas para mercar e sairon como responsables do posto Marta e Brais. Ela recollía os vales e el entregaba os marcapáxinas de agasallo. Que ben o fixeron!
Como a nos sobrábannos libros para vender fixemos publicidade entre os profes. Así que viñeron a mercar as profes Olga, Mariví, Alejandra, Isabel e Javier, o director. Graciñas a todos pola vosa solidaridade.
Se premedes na imaxe accederes directamente ao album adicado ao mercadillo.
Despois do mercadillo seguimos co proxecto de "Somos iguais, somos diferentes". Coloreamos unhas caras, aparentemente iguais, pero que a cada quen lle quedaron dun xeito distinto. Tamén seguimos co mural "Crecemos", onde comparamos os cambios dende bebés ata o presente. Nos últimos minutiños repasamos as presentacións cos signos. A ver se as imos tendo claras para poder grabalas e que o resto dos nenos dos centros de Agrupaciones escolares as poidan ver.

jueves, 20 de octubre de 2011

Diario de...Julen

Estas son as reflexións de Julen sobre a xornada:
"Hoxe a primeira e a segunda tivemos un exame e logo estivemos co libro de mate. Logo só sairon ao recreo os que remataran todo. A terceira tivemos coñecemento do medio en inglés.
A cuarta hora fixemos unha carta para Jose Rodriguez pois leva enfermo toda a semana. A última hora fixemos a primeira visita á biblio".

Que rápido rematou Julen de comentar o día de hoxe...vou engadir algunhas cousiñas. Hoxe fixemos o primeiro control de mate, concretamente do tema 1. Era máis longo que os mini controis que fixeramos ata o momento polo que algúns necesitaron uns minutiños da segunda hora para rematalo. Segundo ían acabando o exame os rapaces marchaban para as mesas de atrás a traballar co libro de mate. Tal e como dixo Julen, os que non remataron as tarefas quedaron un ratiño no recreo a facelas.
Jose Rodriguez leva toda a semana enfermo e posiblemente non se incorpore ata o vindeiro martes. Como tiñamos lingua galega despois do recreo aproveitamos para escribirlle unha carta de ánimo en galego.
A última hora veu a profe Amparo a buscarnos para facer a primeira visita á biblio, que o luns abre as súas portas. Durante a visita recordamos as normas da biblio, as súas seccións, as normas do uso dos ordenadores e mesmo tivemos uns minutiños para buscar por equipos os libros que nos dixo a profe Amparo. Estiven facendo fotos durante toda a visita e as colguei no noso album Picasa. Podedes acceder a el premendo na imaxe.

miércoles, 19 de octubre de 2011

Diario de...Alba

Estas foron as reflexións de Alba sobre a xornada escolar:
"Hoxe a primeira hora estivemos falando coa profe sobre por que non veu onte. A terceira hora estivemos facendo uns exercicios de lengua moi fáciles e despois miramos os traballos dos nenos do CEIP Rosalía de Castro que lle pediramos prestados ao profe Kico.
Despois tocou a serea para ir ao patio e collín a miña boneca. Cando rematou o recreo fomos a ximnasia e estivemos xogando á pita e , tamén por equipos, á fada e o bruxo. Pasámolo moi ben.

"

A ver, a ver...tanto rebumbio polo día que a profe Lydia non puido acudir ao cole por estar enferma fixo esquecer outras cousas que pasaron no cole. Enfadeime un pouquiño cos meus "cativos" porque sabía pola profe Luisa que ela dixera que os que non remataran as tarefas de galego que eu deixara marcadas deberían rematalas na casa. E resulta que ninguén as rematara pero tampouco as levaran para casa, polo que mandei ademais das tarefas que tiña pensado mandar para a casa, as que non levaran o dia anterior. espero que esto non volva a suceder. hai que facer caso do que nos digan os profes.
Voltando ao diario, ademáis do comentado por Alba, rematamos as gráficas do tempo de setembro e redactamos un correo de agradecemento para o profe kico. Respecto ao dos exercicios de lengua, se cadra non eran tan doados e a Alba dáselle moi ben a materia.

martes, 18 de octubre de 2011

Diario de...Marey

O día según Marey:
"Hoxe a nosa profe estivo enferma. Primeiro estivemos coa profe Loli e a segunda hora veu a profe Rosa, de 4º. Fíxonos facer algúns exercicios do libro de lingua. En informática tocoume con Jose dos Santos e me encantou estar con el. No recreo estivemos xogando coa boneca de Alba. Despois tivemos Coñecemento do medio en inglés. Paseino xenial".

Tal e como comenta Marey, non puiden asistir á clase por atoparme indisposta pero púxenme en contacto co centro para dicir as tarefas que tiñan que facer hoxe como, por exemplo, eses exercicios que lles mandou facer a profe Rosa. Sei que a profe Luisa e a profe Alejandra foron con eles a informática e lles mandaron xogar cos xogos de lingua e mate que hai na columna da esquerda do noso blog, tal e como eu solicitara. Pola miña banda non hai máis que engadir, pois a fin de contas non estaba ahí. Algún día conseguirei saber que se coce nas clases que non dou eu?

lunes, 17 de octubre de 2011

Diario de...Jose

Rematamos a primeira ronda do diario da aula e volvemos co primeiro da lista. Estas son as palabras de Jose:
" Hoy fui con la profe Olga e hice una ficha de lengua. Despues tuvimos musica y bailamos y tocamos el xilófono. En matemticas trabajamos con unidades, decenas y centenas.
Después toco el timbre, tomé la merienda y me fui al patio. Al volver del recreo, Sara, Irea y yo fuimos al ordenador. Despues tuvimos alternativa, toco la sirena y nos fuimos"

A ver, a ver...Jose esqueceu algunhas cousiñas. Na clase de mate repasamos o que el dixo, mais traballamos coas unidades e decenas de millar e os números ordinais. Despois fala de que cando voltou do recreo foi ao ordenador...para que? Hoxe empezamos a traballar por equipos en Coñecemento do Medio. Seguimos coas Etapas da Vida e mentres dous equipos traballaban sobre a infancia o outro, o de Jose, recollía informacion sobre a xestación a través dun video colgado no noso blog. A pesar de que xa fixeramos esta actividade oralmente o de recordar o traballado e poñerse dacordo para poñelo por escrito costou moito. Hai que pensar que era o primeiro dia, xa iremos mellorando.

viernes, 14 de octubre de 2011

Diario de...Lucía

Rematamos a primeira rolda do diario con Lucía. Esta é a súa visión do día:
"Hoxe tivemos un exame do abecedario á primeira hora. Despois veu o profe Guillermo e fomos a ximnasia. Logo subimos para a clase e terminamos o mural de GOTAS PARA NÍGER mentres os nenos que non remataran o de mate do xoves intentaban rematalo. Maís tarde baixamos ao patio. Ao rematar o recreo fomos a clase e tivemos a lectura silenciosa. Despois tivemos inglés coa profe Mariví. A última hora repasamos as presentacións con signos".

O diario de Lucía quedou moi ben redactado aínda que esqueceu comentar algunhas cousiñas. A primeira hora tamén fixemos a ficha de cálculo, despois do control que incluía dictado e abecedario. E preparando as tarefas para a casa e escribindo na axenda rematou a primeira hora. Na hora de plástica ademáis do mural para o mercadillo, estivemos preparando as fotos para o mural "Crecemos" coas fotos do alumnado cando era bebé e tamén estivemos coloreando un debuxo dunha cara igual para todos pero que gracias á nosa creatividade non vai a haber ningunha igual porque "Somos iguais, pero diferentes".
¿Por que estamos preparando as presentacións con signos? Por que é unha actividade de integración da que todos podemos aprender e porque imos aproveitala para presentarnos aos outros nenos e nenas de Agrupacións escolares. Temos que practicar moito para ver se semana que ven podemos grabar e montar o video para que os centros de León, Cataluña, Aragón e Canarias coñezan aos cativos da Reboraina e do que son capaces.

Diario de...Jose R. (13-10-11)

En palabras de Jose, asi foi o día de hoxe:
"A primeira hora fixemos un exame das táboas do 0, 1 , 2 e 3. A segunda hora fixemos unha ficha de cálculo mental e despois repasamos e fixemos exercicios do libro de matemáticas.
Logo veu a profe do curso pasado, que se chama Martina, para darnos Coñecemento do Medio en inglés. Cando ía saír ao patio tocou á serea e tiven que voltar á clase.
Despois tivemos a lectura silenciosa e éscollín un libro do corpo humano da miña compañeira Lucía. E despois fixemos unha ficha de lingua na que tiñamos que buscar palabras."

Moi bo resumo o de Jose. Andamos a voltas cos números cardinais e estamos traballando con eles a través de xogos e con exercicios máis serios para ver se nos van quedando. Tamén en lingua tratamos de que os exercicios sexan amenos e didácticos ao mesmo tempo, hai que buscar un equilibrio.

martes, 11 de octubre de 2011

Conmemoración do descobremento de América

Hoxe os cativos da Reboraina sabían que mañá non hai colexio. Algúns dicían porque era o día do Pilar e outros simplemente porque era festivo pero non sabían o porqué. Tirando un pouquiño deles lembraron que tamén se celebraba o descobremento de América e ata chegaron a dicir o ano: 1492. Aproveitamos que tiñamos o carriño co canón para ver este video sobre o tema.

Diario de...Pablo

As palabras de Pablo resumindo a actividade do dia foron as seguintes:
"Hoxe pola maña fixemos a ficha de calculo e despois o libro de coñe. Fomos ao recreo e miramos como xogaban os nenos pequenos. Despois collemos unhas pancartas e ensinamosllas as persoas que pasaban co coche e despois sentamonos cinco minutos. Logo fomos para a clase e fixemos Coñecemento do medio en ingles coa profe Martina e logo ingles coa profe Marivi. Con ela fixemos alguns xogos. Logo tocou a sirena e fomos para a casa"

Nas normas do diario explicase que hai que facelo primeiro nun papel aparte para repasar, borrar e tachar as veces que sexa necesario antes de pasalo ao diario oficial. Non hai nada de malo en que as cousas non saian a primeira vez. Penso que Pablo non repasou o que escribiu, polo que non puido detectar alguns pequenos erros. Os martes teñen  lingua galega e mate, nunca teñen Coñecemento comigo o dia que o teñen en ingles coa profe Martina.
Na clase de galego repasamos o abecedario e cando se usan os puntos e as maiusculas. A profe trabucouse e mandou facer na clase o que tiña pensado mandar para a casa e na casa o que tiña pensado facer no cole. Como xa o escribiran na axenda decidin que non borraran e que se fixese asi.
Na clase de mate empezamos a traballar cos numeros ordinais. Separamos as cadeiras das mesas e cada un se levantaba na sua quenda para dicir o ordinal que lle correspondia. Brais tamen participou levantandose e sentandose cando lle chegaba o turno.
Seica fixeron xogos de ingles coa profe Marivi e estou intrigada. Teño que preguntarlles para saber en que consisten e practicar eu tamen.

Pablo falaba de pancartas no recreo...Hoxe houbo unha protesta mais en defensa do ensino publico, que debia ter lugar durante o recreo. Alguns mestres baixamos con pancartas e, mentres esperabamos ao resto do claustro para facer unha foto conxunta coa protesta, os cativos da Reboraina pediron prestados os carteis para protestar pola sua conta, e asi o fixeron. Logo todo o alumnado sentou no patio superior e se fixeron unhas fotos coas pancartas para enviar aos medios, ao igual que nos outros centros.
Pola miña banda non pasei mais horas na aula, pois mentres eles tiñan clase coa profe Martina e logo coa profe Marivi, eu apoiaba na clase de 3º A e logo daba plastica en 1º B. Cando os titores non estamos na clase non estamos libres de traballo, simplemente non estamos co noso alumnado.

NOTA: A entrada volve a publicarse sen puntuacion porque blogger non me deixou colocar os tils.

Novidades no noso blog

Ola a tod@s! Teño dúas novidades que comentar respecto ao noso blog:
  1. Por fin temos enlazado o blog da nosa biblio. Problemas técnicos (dos que a culpa era miña) retrasaron este momento, pero as dificultades por fin foron superadas. Aínda que entramos en varias ocasións a través do blog O Manantial, agora podemos acceder a Biblioblogreboreda directamente dende o noso blog.
  2. A profe Amparo, dinamizadora da biblio, elaborou con moito traballo unha páxina web para recoller recursos relacionados co tema do curso: Os contos. Felicidades Amparo, quedou xenial! Temos dúas formas de acceder a esta páxina web:
  • Entrando no blog da biblio, buscando a imaxe do proxecto na banda da dereita e premendo nela para acceder á páxina.
  • Entrando directamente dende o noso blog. Na banda da esquerda, na esquina superior, tedes o acceso directo a esta páxina.
Por se tedes dúbidas, esta é a imaxe que tedes que buscar:

lunes, 10 de octubre de 2011

Diario de...Sara

A vision do dia segundo Sara:
"Hoy a primera hora la profe nos dio las notas de los examenes y luego hicimos la ficha del abecedario. Después la profe de musica nos vino a buscar e hicimos un juego de palmas y cantamos: ¡fue muy divertido! Despues hicimos la ficha de calculo mental. Luego fuimos al recreo y jugamos con los pequeños, que nos tiraron arena.
En la libreta de matematicas hicimos series de 2, 5 y 10. Con la profe de religión vimos una peli del Arca de Noe y se acabó el dia".

Non esta mal para ser a primeira vez que Sara redacta o diario da aula. Como esqueceu algunhas cousiñas, aqui esta a profe Lydia para lembralas. Na clase de "lengua", ademais das notas e da ficha do abecedario, recordamos entre todos cando se escribe punto e maiuscula e fixemos un xogo de buscar palabras con unha , duas, tres ou mais silabas. Ademais aproveitamos que regresaban os libros que levaran para ler en casa para facer "recomendacións lectoras entre iguais". Da gusto ver as gañas coas que explican por que os demais deben ler o libro que eles leron. Felicitacións!
Na clase de Coñecemento do Medio estivemos escribindo o rexistro meteorolóxico do mes de setembro na libreta. Era a primeira vez e levou moito tempo, xa lle iremos collendo o tranquillo. Ao longo desta semana faremos a representación gráfica dos datos obtidos.
Na clase de mate, como ben lembraba Sara, fixemos series de 2 en 2 ata 100, de 5 en 5 ata 200 e de 10 en 10 ata 1000. Habia que refrescar as mentes porque imos a traballar con unidades e decenas de millar e os números de duas e tres cifras ainda non estan claros para algúns nenos e nenas. Despois fixemos algúns exercicios da páxina 8 do libro.
Para rematar, mentres os de relixión veian a película da Arca de Noe, os de alternativa mais eu colgabamos no corredor o mural de Carapuchiña Vermella que fixemos entre todos. Non estivo mal para ser o primeiro dia da semana.

domingo, 9 de octubre de 2011

Que nos conta...Pablo

Seguimos con esta seccción e esta semana é a quenda de Pablo. Atención ás súas respostas:
Conto favorito
"Gústame o conto de Peter Pan porque se enfrenta aos piratas".

Persoaxe de conto que che gustaría ser
"Gustaríame ser Peter Pan, porque lanza frechas e salva á xente".

Final de conto que cambiaría
"Gustaríame que o frautista de Hamelin non se levara aos nenos do pobo".

Mercadillo solidario

O venres 21 de outubro as aulas que pertencen a Agrupaciones Escolares xunto coa colaboración doutras aulas do centro van celebrar un mercadillo solidario para recaudar fondos para a iniciativa "Gotas de agua para Níger". Iremos dando máis información sobre como se desenvolverá a actividade. Mentres tanto déixovos cun enlace ao blog do Manantial, pois a profe luisa subiu unha entrada sobre o tema que quero que vexades.

viernes, 7 de octubre de 2011

Diario de ...Marcos

O día segundo Marcos:
"Hoxe a primeira hora fixemos un exame do abecedario. Despois fixemos unha ficha de cálculo en tres minutos. Deseguido apuntamos na axenda os deberes para o día sesguinte. Logo veu o profe Guillermo e fomos ao pavellón a facer ximnasia. Xogamos ao jockey e aos cocodrilos (Alba fixo de cocodrilo). Ao rematar fomos a asearnos un pouco e subimos á aula a celebrar o cumple de Irea. Comimos biscoito, caramelos e "huesitos". Estaba todo delicioso.

Despois fomos ao recreo e xogamos á pita. Ao rematar o recreo subimos á aula e fixemos lectura silenciosa. Eu lin un libro sobre o corpo humano. Ao rematar fixemos inglés coa profe Mariví. Logo chegaron a profe Alejandra e Brais e practicamos a linguaxe de signos. Ao rematar limos un conto coa profe Lydia: "La caja mágica".
Logo recollemos as nosas cousas e puxémonos en fila por orde de lista. Escoitamos a serea, que quere dicir que terminamos as clases por hoxe e temos toda a fin de semana para disfrutar.
Isto foi o meu día na escola, que foi mi divertido".

Mi madriña, cantas cousas lembrou Marcos do día de hoxe! Aínda así, esqueceu dúas cousiñas moi importantes. A terceira hora, antes de celebrar o cumple de Irea, tivemos plástica. Fixemos un pouco de todo, pois temos varias tarefas a medias: pintamos e recortamos pingas de auga, recortamos os marcapáxinas de "Gotas para Níger", coloreamos e recortamos as letras do mural de Carapuchiña vermella e rematamos este mural e o de Donte e Margarida.
A última hora Marcos lembraba moi ben que eu lin para todos "La caja mágica", conto curtiño que trata de como un neno convirte unha caixa coa súa imaxinación en todo o que el quere. Despois de rematar o conto Marta levantou a man para dicir que xa sabía para que era a manta que tiña na mesa: para usar con ela a nosa imaxinación, ao igual que no libro se facía coa caixa. Que ben o pasamos pensando en que podía convertirse a "nosa manta máxica". Para ver as fotos que fixemos visita o noso albúm ou preme na seguinte imaxe:

jueves, 6 de octubre de 2011

Inicio do plan de lectura silenciosa sostida

Hoxe iniciamos unha nova andaina do Plan de lectura silenciosa sostida (PLSS), que terá lugar todos os xoves e venres durante veinte minutos despois do recreo.
Teño que dicir que os cativos da Reboraina non se poden queixar respecto ao número e variedade de lecturas onde escoller para estas sesións:
  • A caixa viaxeira da biblioteca, chea de interesantes propostas escollidas especialmente pola profe Amparo, dinamizadora do equipo de biblioteca.
  • A biblioteca de aula, gracias ás aportacións feitas polo propio alumnado para este fin.
  • A colección de libros dos dous proxectos que levamos á par (Carapuchiña vermella e Somos iguais/somos diferentes) formada por aportacións dos propio alumnado e da biblioteca.
A primeira sesión foi de matrícula. Só tedes que ver as fotos...

Diario de...Irea

Irea relatou a xornada lectiva do seguinte xeito:
" Hoxe a primeira hora entramos no blogue e miramos o conto do Soldadiño de chumbo. Tamén miramos nun video como se forman os bebés dentro das barrigas. Gustoume moito. Logo fixemos un exercicio de lingua e debuxamos a portada da libreta de lengua e lingua. Despois veu a profe Martina a darnos coñecemento do medio en inglés. Na hora do recreo estivemos no patio de arriba falando. Despois do recreo fixemos dúas fichas de mate. Foi un día estupendo."

Irea recordou moitas das cousas que fixemos ao longo da mañá, pero esqueceu outras...e para iso está a profe Lydia. O mércores enviamos un correo ao profe Kico (responsable da biblioteca do meu anterior colexio) para pedirlle prestados os traballos que fixeron os alumnos e alumnas do CEIP Rosalía de Castro de O Grove en relación ao tema dos contos o curso pasado. Antes de entrar no blog miramos o noso correo e...sorpresa!! o profe kico contestara o noso email dicindo que non había problema en deixarnos o que lle pediramos. Graciñas Kico.
Unha vez metidos no noso blog fixemos dúas cousiñas antes de ver o video da xestación. Entramos no blog da profe Susana e comprobamos que contestou ao comentario que lle deixamos sobre o seu horto fai uns días. Despois entramos no blog de Agrupaciones escolares e visitamos a páxina web do CRA El Burgo Ranero, de León.
A pregunta do millón: por que só nos deu tempo a facer un exercicio de lingua? Hoxe inaugurabamos a PLSS deste curso. Coñeciamos os libros que había na clase que trouxeran os alumnos e alumnas pero non nos dera tempo de mirar o contido da caixa viaxeira. Así que miramos un por un todos os libros da caixa e despois cada quen decidiu se escollía un libro da caixa ou un dos que trouxeran eles (tanto para a PLSS, como para o proxecto de Carapuchiña vermella ou o de Somos iguais, somos diferentes) e o gardou debaixo da mesa para telo preparado para cando chegara o momento.
Irea recordou moi ben que fixemos dúas fichas de mate, pero que pasou antes? Fixemos a ficha de cálculo e tivemos un concurso das táboas de multiplicar. O que acertara todas as rondas (10 puntos), levaría un positivo. A cousa ía moi ben coa táboa do 0 e a do 1. Cando chegamos á do 2 empezaron os erros e cando chegou a do 3 a cousa foi a peor. Só Irea e Lucía conseguiron o positivo, noraboa. Espero que a próxima vez que fagamos outro concurso similar todos consigan os 10 puntos para levar o positivo.

miércoles, 5 de octubre de 2011

Diario de...Diego

O dia segundo a visión de Diego:
"Hoxe a primeira hora estudiamos un pouco <Somos iguais, somos diferentes>. Buscamos o nome da "bolsa" na que está metida o bebé na barriga da nai: chámase útero.
A segunda tivemos lengua e fixemos actividades na libreta. Despois fomos ao patio e xoguei cos meus compañeiros. Paseino moi ben. Logo volvemos a ter lengua e rematamos o traballo da libreta.
Despois tivemos educación física. Fixemos unha carreira numerada, uns estiramentos, o xogo do paniño e xogamos un pouquiño ao futbol sen balón.
O día foi moi divertido e o que máis me gustou foi educación física."

A profe Lydia pensa que a descripción é moi completa pero se pregunta como será iso de "xogar ao futbol sen balón"???? Espero resolver esa dúbida pronto.

martes, 4 de octubre de 2011

Diario de...Marta

Estas son as reflexións que fixo Marta sobre a xornada lectiva cando chegou á súa casa:

"Hoy fui al colegio. Hice lingua galega y fui a informática. Después fui al patio y me lo pasé muy bien. Luego tuvimos coñe en inglés e inglés con la profe Mariví. Después fui al comedor y me lo pasé muy bien".

A profe Lydia quere completar un pouquiño ese diario. ¿Que estamos a facer en lingua? Estamos traballando co tema 1 do libro, co abecedario. Está costando un pouquiño manexarse coas libretas e fixarse que si na pizarra están anotadas as páxinas e os exercicios que hai que facer, hai que fixarse ben cando imos facelos na libreta. Supoño que dentro dunhas semanas estes problemas estarán superados.
Hoxe empezamos as clases de informática, que teremos os martes cada 15 días á terceira hora. Non puidemos traballar por parellas cos ordenadores porque a profe Loli confundiuse co horario e estaba alí cos seus alumn@s. Así que usamos a pizarra dixital para ver un video do noso blog sobre a xestación e para xogar na web palabras amigas. Que concentrados estaban buscando as palabras nas sopas de letras e adiviñando as palabras do aforcado. Ambos xogos son excelentes para traballar a atención e a conciencia fonolóxica".
Obviamente non podo falar do que sucedeu mentres os cativos da Reboraina traballaban coas profes Martina e Mariví. Se cadra pouquiño a pouco vanse soltando co diario e empezan a contar maís detalles.

lunes, 3 de octubre de 2011

O nacemento de Mateo

Este sábado naceu Mateo, o irmán de Marcos. Este acontecemento fixo que na área de Coñecemento do Medio empecemos un proxecto "Somos iguais, somos diferentes", a través do cal imos coñecer as etapas da vida, os nosos corpos por dentro e por fóra, o seu funcionamento, etc.
Hoxe empezamos falando das etapas da vida e das características de cada unha delas. Sabemos que Mateo acaba de iniciar a etapa da infancia, pero ata que naceu o sábado estaba noutra etapa. Ninguén soubo dicir como se chama esa etapa pola que pasou Mateo, pero si o nome da etapa pola que pasou a súa nai: o embarazo. Apareceron dúbidas sobre se os bebés simplemente crecen no útero ou "se forman". Temos a continuación un video que explica o que pasa durante os nove meses e na banda da esquerda temos unha nova sección co título do proxecto (Somos iguais, somos diferentes) na que irei colgando enlaces relacionados co que estemos a traballar na aula. Que disfrutedes da experiencia!

sábado, 1 de octubre de 2011

Donte e Margarida xa son amigos

Dende o primeiro día de clase os cativos da Reboraina saben quen é Donte: a mascota da biblioteca do meu anterior colexio, o CEIP Rosalía de Castro de O Grove. Como visitamos con frecuencia "O blog de Donte" a primeira semana de clase propuxeron que podiamos facer un mural de Donte e Margarida "sendo amigos", pois ambos son mascotas de biblioteca. Antes de facer o mural para colgalo ao lado da pizarra, tal e como eles propuxeron, o venres pasado cada un plasmou en papel a súa visión sobre a amizade entre Donte e Margarida. Estes son os resultados:

Diario de ...Julen

Este venres, último día de setembro, levou o diario para casa Julen. Estas foron as súas impresións sobre a xornada lectiva:

"Hoxe fixemos unha ficha de cálculo e logo fixemos un exame. Despois fomos a ximnasia, pero Jose máis eu non fixemos nada. Máis tarde fixemos un debuxo para a clase e despois fomos ao recreo. Os que non remataran continuaron e os outros fixeron un debuxo máis grande. Ao final visitáronnos profesores doutros colexios.
Pareceume un día moi longo e divertido".

Estas foron as palabras de Julen. Os venres estamos cansos, así que é o día máis lixeiro a nivel académico, a pesar de que empecemos a primeira hora con exame. En plástica empezamos a facer as persoaxes de conto que cada un escolleu. Os máis rápidos fixeron traballo en equipo para colorear dous murais: o de Carapuchiña e o de Donte e Margarida. No noso album picasa xa hai unha carpeta aberta con fotos de todo o proceso para a decoración da aula e do corredor.
Un pouquiño antes de marchar para a casa chegaron á nosa aula os profes de Agrupaciones escolares. Estiveron apenas uns minutiños, pero ao longo do curso xa teremos oportunidade de coñecelos mellor, a eles e aos seus alumnos.

viernes, 30 de septiembre de 2011

Visita de "Agrupaciones escolares"

Tal e como comentamos na reunión coas familias, o ciclo de infantil e as titorías de 3º de EP pertencemos a "Agrupaciones escolares". Este curso imos compartir proxecto con centros de Galicia, Canarias, León, Aragón e Cataluña. Representantes deses centros estiveron hoxe de visita no noso cole. Primeiro estuvimos reunidos para falar das actividades que imos compartir e finalmente o profesorado visitante acudiu ás aulas para saudar aos nenos e nenas que van participar deste proxecto. A pesar de que foi unha visita moi curta ninguén quedou coas mans baleiras: cada centro levou de recordo unha foto de grupo cos nosos datos do blog, correo, etc para estar en contacto e as mestras de Teruel trouxéronnos un agasallo: uns bonecos "baturros". Como primeiro contacto non estuvo mal, esto é o principio dunha grande aventura...

jueves, 29 de septiembre de 2011

O diario de...Alba

Alba destacou no diario de aula o seguinte:
" Hoxe pola mañá estivemos vendo cousas novas do noso blog e despois fixemos lingua. Logo veu a profe martina a darnos Coñecemento en inglés e fomos ao recreo. Cando acabou fixemos matemáticas e tamén nos medimos. Foi moi divertido".

Comentarios da profe Lydia:
Efectivamente empezamos o día visitando o noso blog. Aproveitamos para ver as novas entradas publicadas de "que me conta..." e "diario de aula", os novos xogos e as novas seccións: a dos contos en xeral e a do conto de Carapuchiña vermella. De paso miramos o citado conto en video para irnos preparando para o traballo comparativo que imos facer...que ben o pasamos! Alba tamén sinalou que na hora de mates "nos medimos". Realmente a medida da altura de tod@s a tomamos o luns, o que fixemos hoxe foi a súa representación nunha gráfica, como se aprecia na fotografía.

miércoles, 28 de septiembre de 2011

Diario de...Marey

As palabras de Marey:
"Hoxe fixemos un mural e despois fixemos inglés e unha ficha de lengua. Logo fomos ao patio e xogamos nas árbores das gradas. Despois fixemos ximnasia. Foi un día moi divertido".

O mércores según a profe:
Empezamos a mañá coma sempre, recollendo as tarefas que levaron para a casa o día anterior e consultando no blog os datos meteorolóxicos. Despois chegou o momento de plasmar nun mural as ideas que sairon o luns con respecto a como debemos comportarnos nos lugares públicos e na casa. O mural quedou a medias, a ver se ao longo da semana o rematamos para poder colgalo.
Na clase de "lengua" recordamos o abecedario e entre todos, e sen mirar polo libro, definimos que é un abecedario ou alfabeto, e que é un diccionario. Logo chegou o momento de estrear as libretas: canto custan as cousas cando se fan por primeira vez! Sei que dentro dunhas semanas o traballo na libreta será máis fácil, pero de momento hai que ir a modiño. Tempo ao tempo. 

martes, 27 de septiembre de 2011

Que me conta...Jose Rodriguez

Continuamos coa segunda edición da sección "Que me conta...". Seguimos a orde de lista invertida, do último ao primeiro. Se empezou Lucía, agora é o turno de Jose Rodriguez. Estas foron as súas respostas:

Conto clásico favorito
"O parrulo feo", porque de pequeno era feo e de maior convírtese nun precioso cisne branco.


Persoaxe de conto que lle gustaría ser
"Gustariame ser o frautista de Hammelin, porque axuda á xente a desfacerse dos ratos do pobo".

Final de conto que cambiaría
Cambiaría o final do conto "Xoan e as xudías máxicas" "porque acaban matando ao ogro. Gustaríame que o ogro seguira vivo e se fixera amigo de Xoan".


lunes, 26 de septiembre de 2011

Expertos en Carapuchiña vermella

Tal e como avisamos na nota que enviamos o pasado venres, as titoras de 3º imos facer co noso alumnado un estudio comparativo das distintas versións do conto de Carapuchiña vermella. Creei unha sección na banda da esquerda onde a partir de hoxe irán todos os recursos (xogos, videos, etc) relacionados co citado conto. Para empezar que tal ver o conto en imaxes? Velahí vai un video!



Diario de...Jose

Neste dia empeza a colaboracion do alumnado na redaccion do noso diario de aula.
Hoxe é o turno de Jose, o primeiro da lista. Estas son as suas palabras:
"Hoy leimos la historia de un lapiz. A segunda, en musica, bailamos. Despues, en Coñecemento do medio hicimos matematicas. Fuimos al recreo y jugue al futbol. Despues nos medimos y fuimos a alternativa. Fue un dia muy divertido".

Graciñas Jose polas tuas aportacions. A profe Lydia completa algunhas cousiñas:
"Estamos a rematar o primeiro tema de Coñecemento do medio para o cal construimos a nivel oral as normas de comportamento que debemos seguir nos lugares publicos e na casa. Como pequena introduccion ao que imos traballar en breve fixemos unha medicion da altura de todo o alumnado e mais da titora. Como Brais non estaba a esa hora na clase intercambiamos as horas de Mate e C. M para estar todos xuntos para proceder a medirnos. Agora queda trasladar esas medidas a unha grafica..."

NOTA: hoxe blogger non me deixaba colocar os tils, polo que as palabras van sen puntuar.

Hábitos de estudio: manual para o alumnado

Como alumnos e alumnas de 3º é moi importante que cada vez sexamos máis autónomos realizando as tarefas escolares tanto no cole como na casa. Canda xa hai algo ben feito hai que aproveitalo non? Non necesito facer un manual para o alumnado porque a profe Luisa xa se encargou, e moi ben por certo. Colgouno no seu blog O manantial, pero se queredes podedes acceder directamente premendo na imaxe.
En breve publicarei outro manual, esta vez feito por min, sobre como poden as familias colaborar co tema das tarefas escolares no fogar.

Recursos web para o proxecto dos contos

Hoxe decidín crear unha sección nova, para colocar na marxe da esquerda, relacionada co proxecto do centro deste curso: Os contos. Alí colgarei enlaces interesantes que atope durante este curso e recuperarei tamén os que colgamos  no Blog de Donte, bitácora da biblioteca do centro onde traballaba o curso pasado: o CEIP Rosalía de Castro de O Grove.
Un destes novos enlaces será para o blog "Soñando cuentos". Nesta bitácora atopei unha recomendación de cine: "Kerity, la casa de los cuentos". Comprobei que a temos en carteleira en Vigo e parece que ten moi boa pinta, aparte de ter moito que ver co tema do curso. Se queredes máis información sobre a película premede na imaxe e accederes directamente á entrada que se colgou no blog "Soñando cuentos".

domingo, 25 de septiembre de 2011

Xa temos Album Picasa

Ola a tod@s!
Espero que estivesedes aproveitando ben o tempo porque a fin de semana esta chegando ao seu fin. Tiña pensado colgar hoxe un "slide" cos autorretratos que fixeron os nenos e nenas na primeira semana de clase. Pero a lei de Murphy di que todo o que pode sair mal saira mal e asi pasou:
  • Estou escribindo esta entrada sen tildes porque blogger, polo menos hoxe, non me deixa poñelos.
  • Non fun quen de crear o slide, seica teñen problemas coa web ou o problema o teño eu.
  • Tiven todos os problemas que podia ter e mais para crear o album picasa e enlazalo.
Por vergoña non penso dicir o tempo que necesitei para facelo, pero foi moito. Pero unha non deixa que os problemas a paralicen, e se non vai dunha forma vai doutra...asi que temos oficialmente un album picasa, enlazado permanente ao blog na franxa superior da columna da esquerda. So tedes que premer ahi para acceder ao seu contido. O primeiro album non podia ser outro que o dos autorretratos (xa que non houbo maneira de crear o slide). Xa sabedes dende este momento teredes todas as imaxes relacionadas coas actividades do curso no noso album.